आजचा दिवस
शके १९४७, विश्वावसुनाम संवत्सर, चैत्र शुक्ल द्वादशी, बुधवार, दि. ९ एप्रिल २०२५, चंद्र – सिंह राशीत, नक्षत्र – मघा स. ९ वा. ५७ मि. पर्यंत नंतर पूर्वा, सुर्योदय- सकाळी ०६ वा. २७ मि. , सुर्यास्त- सायं. १८ वा. ५४ मि.
नमस्कार आज चंद्र सिंह राशीत राहणार आहे. आजचा दिवस उत्तम दिवस आहे. आज चंद्र – गुरु केंद्रयोग होत आहे. आजचा दिवस मेष, वृषभ, मिथुन, कर्क, सिंह, तुला, वृश्चिक, धनु, कुंभ या राशींना अनुकूल तर कन्या, मकर व मीन या राशींना प्रतिकूल जाईल.
दैनंदिन राशिभविष्य
मेष : तुमचे मन आनंदी असणार आहे. काहींना विविध लाभ होणार आहेत. तुम्ही आपली मते इतरांना पटवून द्याल. आपल्या प्रियजनांसाठी आज आपण आपला वेळ राखून ठेवणार आहात.
वृषभ : तुम्ही आनंदी व आशावादी रहाणार आहात. आजचा दिवस आपणाला अनेकदृष्टींने अनुकूल असणार आहे. महत्त्वाची कामे मार्गी लावू शकणार आहात. सार्वजनिक कामात तुमचा सहभाग राहील.
मिथुन : तुमच्यामध्ये असणारी जिद्द वाढणार आहे. प्रवास सुखकर होणार आहेत. तुम्हाला नवी दिशा सापडेल. कामाचा ताण कमी होणार आहे. आज तुम्ही मानसिकदृष्ट्या अधिक ऊर्जावान असणार आहात.
कर्क : काहींना आर्थिक कामात आज विशेष फायदा होणार आहे. तुमच्या कुटुंबात आज आनंदी वातावरण असणार आहे. तुमचे मनोबल व आत्मविश्वास उत्तम असणार आहे. काहींना एखादी गुप्तवार्ता समजेल.
सिंह : आजचा दिवस आपणाला अनेकदृष्टींने अनुकूल असणार आहे. आपले मनोबल उत्तम राहील. दैनंदिन कामे आज आपण विनासायास पूर्ण करू शकणार आहात. आपल्याला मानसिक प्रसन्नता लाभेल.
कन्या : काहींना नैराश्य जाणवणार आहे. आपले मनोबल व आत्मविश्वास कमी असणार आहे. अनपेक्षित अडचणींमुळे आपले मन नाराज राहील. आज आपण शक्यतो महत्त्वाच्या कामांचे नियोजन करण्याचे टाळावे.
तुला : तुमचे बौद्धिक परिवर्तन होणार आहे. तुमच्या मतांचा इतरांवर प्रभाव असणार आहे. काहींना जुने मित्रमैत्रिणी भेटणार आहेत. कामाचा ताण कमी होईल. तुमच्या विचारांमध्ये सकारात्मकता असणार आहे.
वृश्चिक : आपल्या कार्यक्षेत्रात आज आपण अपेक्षित प्रगती साध्य करु शकणार आहात. अनेक बाबतीत आजचा दिवस आपणाला अनुकूल ठरणार आहे. नोकरी व व्यवसायतील आजची कामे विनासायास पूर्ण होतील.
धनु : आज तुम्हाला नवी दिशा सापडेल. तुमच्या कार्यक्षेत्रात अपेक्षित सुसंधी व प्रसिद्धी लाभेल. कामाचा ताण कमी करु शकणार आहात. प्रवासाकरिता आजचा दिवस आपणाला अनुकूल असणार आहे.
मकर : काहींना मानसिक अस्वस्थता राहणार आहे. आपण कोणत्याही गोष्टीचा आज अतिविचार करु नये. अतिताण घेऊ नये. वाहने सावकाश चालवावित. आर्थिक कामांसाठी आज आपल्याला अनुकूलता लाभेल.
कुंभ : तुमच्या विचारांचा इतरांवर प्रभाव राहील. मानसिक प्रसन्नता लाभेल. मनोबल व आत्मविश्वास उत्तम राहील. दैनंदिन कामात सुयश लाभणार आहे. प्रवास सुखकर होणार आहेत.
मीन : आपल्यावर कोणतातरी ताण असणार आहे. काहींना आरोग्याच्या तक्रारी राहणार आहेत. प्रवासात विशेष काळजी घ्यावी. मनोबल व आत्मविश्वास कमी असणार आहे. अनावश्यक खर्च होणार आहेत.
आज बुधवार, आज दुपारी १२ ते १.३० यावेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.
