April Heat! City temperature hits 43 degrees for the second time in 4 days, cloudy weather increases night heat, temperature will remain at 41 to 42 degrees for the next five days | एप्रिल हीट! शहराचे तापमान 4 दिवसांत दुसऱ्यांदा 43 अंशावर: ढगाळ वातावरणाने रात्रीच्या उकाड्यात वाढ, पुढील पाच दिवस 41 ते 42 अंश तापमान राहणार‎ – Ahmednagar News

.

मार्च महिन्यापासूनच शहराच्या तापमानात वाढ होऊ लागली. मार्चमध्ये शहराचे तापमान ३८ ते ३९ अंश सेल्सिअसदरम्यान होते. मात्र, एप्रिलच्या पहिल्या आठवड्यात ढगाळ व अवकाळी पावसामुळे या तापमानात मोठी घट झाली. दोन एप्रिलला ढगाळ वातावरणामुळे हे तापमान ३५ अंशांवर आले होते. त्यानंतर तापमानात पुन्हा वाढ होऊ लागली. गेल्या १० दिवसांपूर्वी शहराचे तापमान ४० ते ४२ अंशावर गेले होते. सोमवारी प्रथमच शहराचे तापमान ४३ अंशावर गेले होते. त्यानंतर तापमानात कमी-अधिक प्रमाणात वाढ होत गेली. शुक्रवारी शहराचे तापमान ४३ अंशावर गेले होते. पुढचे ५ दिवस तापमानात वाढ कायम राहणार आहे. दिवसभर उष्णतेच्या तीव्र झळा जाणवत होत्या. सायंकाळी मात्र काहीसे ढगाळ वातावरण तयार झाले होते. तीव्र उन्हामुळे बाजारपेठेतदेखील शुकशुकाट जाणवत होता. शहरातील रस्त्यावरदेखील तुरळकच वाहने धावताना दिसत होती.