[ad_1]
नांदगाव पेठ येथील ४२ वर्षीय शेतकरी गजानन सिताराम कापडे यांनी शनिवारी सायंकाळी आपल्या घरी गळफास घेऊन आत्महत्या केली. त्यांच्याकडे अडीच एकर शेती होती.
.
कापडे यांचा उदरनिर्वाह शेतीतून होणाऱ्या अल्प उत्पन्नावर चालत होता. सलग काही वर्षे निसर्गाच्या लहरीपणामुळे शेतीचे उत्पादन घटले होते. शेतमालाला योग्य भाव न मिळाल्याने त्यांच्या हाती फारसे उत्पन्न आले नाही.
पोलिसांच्या माहितीनुसार, कापडे यांनी स्थानिक बँका आणि बचत गटांकडून कर्ज घेतले होते. पिकांचे नुकसान आणि उत्पन्नातील घटीमुळे ते कर्जाची परतफेड करू शकले नाहीत. कर्जाच्या वाढत्या दबावामुळे ते मानसिक तणावात होते.
शनिवारी दुपारी पाच वाजता त्यांनी आपल्या राहत्या घरी गळफास घेतला. त्यांच्या पश्चात वृद्ध आई, पत्नी आणि दोन मुले असा परिवार आहे. कुटुंबीय आणि ग्रामस्थांनी प्रशासनाकडे कापडे कुटुंबाला तातडीने आर्थिक मदत देण्याची मागणी केली आहे.
[ad_2]
