[ad_1]
पुणे जिल्ह्यातील तळेगाव एमआयडीसी परिसरात राहणाऱ्या एका महिलेस अनाेळखी व्यक्तीने अज्ञात क्रमांकावरुन फाेन करुन त्यांच्या पतीचा खून पैशांसाठी झाला तसाच तुमच्या मुलास त्रास दिला जाईल अशी धमकी देऊन 10 लाख रुपयांची खंडणीची मागणी केली हाेती. या प्रकरणी तळे
.
पार्थ किरण काकडे (वय- 23,रा. कुडचे मळा, इचलकरंजी, जि.काेल्हापूर) असे अटक करण्यात आलेल्या आराेपीचे नाव असून ताे गवंडीकाम करत आहे. खंडणी विराेधी पथकाचे व पाेनि देवेंद्र चव्हाण यांचे मार्गदर्शनाखाली तपास पथकाने आराेपी वापरत असलेले माेबाईल नंबरचे खंडणी विराेधी पथकाचे पाेउपनि सुनील भदाणे, सपाेउपनि सुनील कानगुडे यांनी तांत्रिक विश्लेषण करुन आराेपीचा शाेध घेण्यासाठी तपास पथक काेल्हापूर जिल्ह्यातील इचलकरंजी येथे रवाना झाले. त्यावेळी संबंधित माेबाईल क्रमांकावरुन आराेपीचा शाेध घेताना, चेतन संचय पानदरे (वय- 31, रा.कुरुंडवाडी, काेल्हापूर) यांनी त्यांचा माेबाईल फाेन इचलकरंजीतून चाेरी झाल्याचे सांगितले व त्यांनी नवीन सीम विकत घेतल्याचे निष्पन्न झाले.
त्यामुळे पुन्हा संबंधित आराेपींच्या क्रमांकाचे व सदरचे सिमकार्ड वापरलेल्या माेबाईलचे तांत्रिक विश्लेषण केले असता सदरचे सिमकार्ड हे रवीकुमार हजारी भगत (33,रा.बिहार) याचे असल्याचे निष्पन्न झाले. त्यास इचलकरंजी येथून पाेलिसांनी ताब्यात घेऊन त्याचेकडे माेबाईलबाबत चाैकशी केली असता, त्याचा माेबाईल चार अनाेळखी व्यक्ती घेऊन गेल्याचे त्याने सांगितले. सदर आराेपींबाबत काेणतीही माहिती नसताना, तांत्रिक विश्लेषण करुन पाेलिसांनी पार्थ काकडे व ऋषिकेश वराळे यांचे नाव निष्पन्न केले. त्यानुसार पार्थ काकडे यास कामगार वसाहत इचलकरंजी येथून ताब्यात घेवून सखाेल चाैकशी करण्यात आली. त्यावेळी त्याने त्याचा मित्र ऋषिकेश वराळे व त्याचे तीन अनाेळखी साथीदार यांच्यासह रवीकुमार याच्या माेबाईलवरुन तक्रारदार यांना खंडणीसाठी काॅल केल्याचे सांगितले. सदर आराेपींना पुढील तपासकामी तळेगाव एमआयडीसी पाेलिस ठाणे यांच्या ताब्यात देण्यात आले आहे.
[ad_2]
