संगमनेर : इन्स्टीट्युट ऑफ डेंटल सायन्स अँण्ड रिसर्च सेंटर व हॉस्पिटलमध्ये (एसएमबीटी डेंटल) सर्वसामान्यांसाठी अत्याधुनिक पद्धतीने दंतोपचार केले जात आहेत. त्यामुळे संवेदनशील आणि वेदनादायक समजल्या जाणाऱ्या दंतउपचारांची भीती आता बाळगण्याची गरज राहिली नाही.दंतउपचार सुरवातीपासूनच गुंतागुंतीचे आणि दीर्घकाळ चालत आलेेेले आहेत. त्यामुळे सर्वसामान्य रुग्ण या आजारांकडे फारसे गांभीर्याने घेत नाहीत. मात्र, आता सोप्या पद्धतीने आणि कमी कालावधीत हे उपचार करता येणे शक्य झाले आहे.
दातांच्या आजारात प्रामुख्याने दाताला लागलेली कीड, दात दुखणे, हिरड्यांचा आजार आदींचा समावेश होतो. रूट कॅनॉल, दात काढणे, अक्कलदाढा काढणे, जबड्याच्या आणि हाडांच्या शस्त्रक्रिया एस एम बी टी डेंटल हॉस्पिटलमध्ये केल्या जातात; तसेच व्यसनांमुळे होणाऱ्या दातांच्या आजारावर देखील उपचार केले जात आहेत. वेडेवाकडे दात असणे किंवा दात एकमेकांत बंद न होणे. अशा दातांमुळे रुग्णाला ते साफ किंवा निरोगी ठेवणे अवघड होते. त्यामुळे दात किडण्याचे व हिरडयांचा त्रास होण्याचा धोका बळावतो.विशेष म्हणजे, वेदना देणारी दातांची शस्त्रक्रिया आता लेझर सारख्या आधुनिक तंत्रज्ञानाद्वारे होत असून दातांच्या मुळाशी असणारा संसर्ग शंभर टक्के नष्ट करण्यात यश येत आहे. त्यामुळे इगतपुरी तालुक्यातील धामणगाव येथील एसएमबीटी दंत महाविद्यालय व दवाखान्यात रुग्णांचा तपासणीसाठी आणि शस्त्रक्रियांसाठी कल वाढला असून हेे रुग्णालय अत्याधुनिक दंतोपचाराचे केंद्र बनले आहे.किडलेले, तुटलेले दात असतील, मुख दुर्गंधी जाणवत असेल, हिरड्यातून रक्त येत असेल, तोंडात जखमा आदी लक्षणे आढळल्यास त्वरित दंतवैद्यांचा सल्ला घ्यावा. दातांचे दुष्परिणाम चेहऱ्याच्या स्नायूंवर, जबड्यावर, डोकेदुखी, मानेचे आजार किंवा पाठदुखी यावरही दिसू शकतात. त्यामुळे दातांचे दुखणे अंगावर न काढता तात्काळ उपचार करून घ्यावेत असे आवाहन एसएमबीटी डेंटल हॉस्पिटलचे अधिष्ठाता डॉ किरण जगताप यांनी केले आहे.
![](https://www.pressalert.in/wp-content/uploads/2022/09/1663479282534.jpg)
चौकट :- अशी घ्या दातांची काळजी
* नियमित दंतवैद्यांकडून दातांची तपासणी करावी.
* तंबाखू, गुटखा आदी व्यसनांपासून दूर राहावे.
* चिकट, गोड आदी पदार्थ टाळावे.
* लहान मुलांना चॉकलेट, गोळ्या देऊ नयेत.
* दिवसातून दोन वेळा ब्रश करावा.
चौकट :- या समस्या होणार दूर
• काळ्या झालेल्या हिरड्यांचा रंग नॅार्मल करता येतो
• गमी स्माईल (Gummy smile) म्हणजे हसल्यावर हिरड्या जास्त दिसणे व दातांची उंची वाढवणे यावर उपचार शक्य
• दातांना चकाकी आणता येणे शक्य
• टंग टायवर उपचार शक्य
• दातांना होणारी संवेदनशीलता दूर करण्यासाठी होतो लेझरचा वापर.
![](https://www.pressalert.in/wp-content/uploads/2022/09/1663479282540.jpg)