अकोले प्रतिनिधी –– श्री अगस्ति एज्युकेशन सोसायटीच्या अगस्ति माध्य.व उच्च माध्यमिक विद्यालय अकोले या विद्यालयातील विद्यार्थ्यांनी शासकीय रेखाकला परीक्षेत ( इंटरमीजिएट परीक्षा ) उत्तुंग झेप घेत 100 टक्के निकालाची परंपरा कायम राखत अतिशय चमकदार कामगिरी केली. महाराष्ट्र शासनाच्या वतीने दरवर्षी शालेय स्तरावर अशा प्रकारची चित्रकला परीक्षा आयोजित करण्यात येत असून मोठ्या संख्येने विद्यार्थी यात सहभाग घेऊन आपली चुणूक दाखवत असतात.अगस्ति विद्यालयाने यापूर्वी ही या शासकीय रेखाकला परीक्षेत उत्तम कामगिरी बजावली असल्याने विद्यार्थ्यांना त्यातील बारकावे, जादा तासांचे नियोजन ,सराव आदी माध्यमातून सखोल मार्गदर्शन करण्यात येते.
यंदा 2024-25 या शैक्षणिक वर्षात तब्बल 9 विद्यार्थी A ग्रेड , 19 विद्यार्थी B ग्रेड , तर 30 विद्यार्थी C ग्रेड मध्ये पात्र झाले असून विद्यालयाचा 100 टक्के निकाल लागल्याने आनंद व्यक्त होत आहे.या परीक्षेतील विद्यार्थ्यांना त्यांच्या ग्रेडनुसार इयत्ता 10 वी च्या बोर्ड परीक्षेत अधिक गुण मिळत असल्याने त्याचा फायदा विद्यार्थ्यांना होतो. संस्थेच्या सर्वच विद्यालयात याबाबत सतत मार्गदर्शन व प्रोत्साहन मिळत असते. कु दिव्या बगणर , निखिल मेंगाळ ,प्रज्ञा मेमाणे, रोशनी कचरे,समिधा मंडलिक,संस्कृती फटांगरे ,स्नेहल भांगरे, वैष्णवी धुमाळ, यशराज ठोकळ आदी विद्यार्थांनी A ग्रेड मिळवत विद्यालयाच्या यशात मानाचे स्थान प्राप्त करुन दिले .
या यशाबद्दल संस्थेच्या सेक्रेटरी शैलजा पोखरकर , कार्याध्यक्ष शिरीष नाईकवाडी , सतीश नाईकवाडी, संदीप नाईकवाडी , प्राचार्य शिवाजी धुमाळ , उपमुख्याध्यापक भाऊसाहेब घेलवडे , पर्यवेक्षक संजय शिंदे , मंगेश खांबेकर ,अतिशय मेहेनत घेत सतत मार्गदर्शन करणारे विद्यालयाचे कला शिक्षक प्रकाश डोळस , निशांत बिबवे तसेच शिक्षक – पालक संघ , व्यवस्थापन समितीचे सर्व पदाधिकारी यांचेसह पालक वर्ग यांचेकडून विद्यार्थ्यांच्या या यशाबद्दल अभिनंदनाचा वर्षाव होत आहे.
