[ad_1]
Blood Pressure Chart : सकाळी लवकर झोपेतून उठल्यानंतर तुम्हालाही डोकेदुखी आणि चक्कर येते का? दृष्टी अंधुक होते आणि नाकातून रक्तस्त्राव देखील होतो. शरीरातील हे बदल उच्च रक्तदाबामुळे असू शकतात. रक्तदाब वाढणे आणि कमी होणे दोन्ही आरोग्यासाठी घातक आहेत. जेव्हा हृदय शरीराच्या वेगवेगळ्या भागांना योग्य प्रमाणात रक्त पंप करते आणि धमन्यांवर जास्त दाब किंवा कमतरता नसते तेव्हा रक्तदाब सामान्य मानला जातो.
रक्तदाबाच्या दोन स्थिती असतात एक म्हणजे उच्च रक्तदाब (हाय बीपी) आणि कमी रक्तदाब (लो बीपी), या दोन्हीमुळे हृदय आणि मेंदूच्या समस्या उद्भवू शकतात. उच्च रक्तदाबामुले डोकेदुखी, चक्कर येणा आणि छातीत दुखणे होऊ शकते, तर कमी रक्तदाबामुळे थकवा, बेशुद्धी आणि अंधुक दृष्टी यासारख्या समस्या उद्भवू शकतात. (What should be the blood pressure at what age Blood Pressure Chart)
सामान्य व्यक्तीच्या सामान्य रक्तदाब 120/80 मिमीएचजी मानला जातो. जर ते यापेक्षा जास्त किंवा कमी असेल तर सावधगिरी बाळगली पाहिजे आणि डॉक्टरांचा सल्ला घ्यावा. वयानुसार रक्तदाबाची श्रेणी देखील बदलते. तरुणांमध्ये थोडी कमी श्रेणी सामान्य मानली जाते. तर वृद्धांमध्ये थोडी जास्त श्रेणी मानली जाते.
ताणतणाव, लठ्ठपणा, दारू, सिगारेट आणि झोपेचा अभाव ही रक्तदाबाची प्रमुख कारणे असू शकतात. म्हणून यापासून दूर राहणे आणि निरोगी दिनचर्या स्वीकारणे महत्त्वाचे आहे. आहारात मीठ कमी करणे, फळे आणि भाज्यांचे सेवन वाढवणे आणि दररोज हलका व्यायाम करणे हे रक्तदाब नियंत्रणात ठेवण्याचा सर्वोत्तम मार्ग आहे.
सामान्य आणि उच्च रक्तदाब श्रेणी
| श्रेणी | सिस्टोलिक (mmHg) | डायस्टोलिक (mmHg) |
| सामान्य | 120 पेक्षा कमी | 80 पेक्षा कमी |
| उंचावलेला | 120-129 | 80 पेक्षा कमी |
| उच्च रक्तदाबाचा टप्पा 1 | 130-139 | 80-89 |
| उच्च रक्तदाब स्टेज 2 | 140 किंवा त्याहून अधिक | 90 किंवा त्याहून अधिक |
| उच्च रक्तदाबाचे संकट | 180 पेक्षा जास्त | 120 पेक्षा जास्त |
वयानुसार सिस्टोलिक आणि डायस्टोलिक रक्तदाब चार्ट
| वय | न्यूनतम (सिस्टोलिक/डायस्टोलिक) Minimum (Systolic/Diastolic) |
सामान्य (सिस्टोलिक / डायस्टोलिक) Normal (Systolic/Diastolic) |
अधिकतम (सिस्टोलिक डायस्टोलिक) Maximum (Systolic/Diastolic) |
| 1 ते 12 महिने | 75/50 | 90/60 | 100/75 |
| 1 ते 5 वर्षे | 80/55 | 95/65 | 110/79 |
| 6 ते 13 वर्षे | 90/60 | 105/70 | 115/80 |
| 14 ते19 वर्षे | 105/73 | 117/77 | 120/81 |
| 20 ते 24 वर्षे | 108/75 | 120/79 | 132/83 |
| 25 ते 29 वर्षे | 109/76 | 121/80 | 133/84 |
| 30 ते 34 वर्षे | 110/77 | 122/81 | 134/85 |
| 35 ते 39 वर्षे | 111/78 | 123/82 | 135/86 |
| 40 ते 44 वर्षे | 112/79 | 125/83 | 137/87 |
| 45 ते 49 वर्षे | 115/80 | 127/84 | 139/88 |
| 50 ते 54 वर्षे | 116/81 | 129/85 | 142/89 |
| 55 ते 59 वर्षे | 118/82 | 131/86 | 144/90 |
| 60 ते 64 वर्षे | 121/83 | 134/87 | 147/91 |
(Disclaimer – वरील माहिती सामान्य संदर्भांवरून घेण्यात आली आहे. ‘झी २४ तास’ याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)
[ad_2]
