रहिमतपूर : वाठार किरोली (ता. कोरेगाव) येथे एसटी बसने दुचाकीला धडक दिली. यात चालकाचा मृत्यू झाल्याची घटना रविवारी सायंकाळी सात वाजण्याच्या सुमारास घडली. प्रताप मानसिंग घोलप (वय ३९, रा.घोलपवाडी, ता. कऱ्हाड) असे मृताचे नाव आहे.
याबाबत माहिती अशी, की वैभव घोलप, राजेंद्र घोलप व प्रताप घोलप हे तिघे दुचाकीवरून (एमएच ०२ आर २१६) वाठार किरोली येथे बाजारासाठी गेले होते. दरम्यान, प्रताप घोलप दुचाकीवर रस्त्याच्या कडेला उभा होता. दरम्यान, वाठारकडून रहिमतपूर दिशेने येणाऱ्या एसटी बसने (एमएच ११ बीएल ९३३७) पाठीमागून धडक दिली.
यात प्रताप गंभीर जखमी झाला. त्याला उपचारासाठी रहिमतपूर प्राथमिक आरोग्य केंद्रात दाखल केले; परंतु उपचारापूर्वीच त्याचा मृत्यू झाला. याप्रकरणी रहिमतपूर पोलिस ठाण्यात गुन्हा दाखल करण्यात आला असून, अधिक तपास पोलिस हवालदार जाधव करत आहेत.
