सातारा : अयोध्येत सोमवारी रामलल्ला मंदिरात श्री राम प्रभुंची मुर्ती प्रतिष्ठापना होत असल्याने या मंगल दिनाचे पावित्र्य राखण्यासाठी सोमवार दि. २२ रोजी खेड ग्रामपंचायतीच्या हद्दीतील सर्व मद्य तसेच मटन विक्री दुकाने, मासांहारी हाॅटेल, धाबे बंद ठेवण्याचे आवाहन खेड ग्रामपंचायतीच्या वतीने करण्यात आले आहे.
या बाबत खेड ग्रामपंचायतीने परिपत्रक काढले असून या मध्ये नमूद केले आहे की, सोमवार दि. २२ रोजी श्री क्षेत्रअयोध्या येथील मंदिरात श्री राम प्रभुंची मुर्ती प्रतिष्ठापना होणार आहे. हा उत्सव खेड परिसरातील विविध मंदिरात मोठ्या धार्मिक वातावरणात आणि उत्साहात साजरा करण्यात येणार असून याचे पावित्र्य राखण्यासाठी खेड भागातील सर्व मद्य विक्री दुकाने, मटन, चिकन, मच्छी विक्री, खाद्यपदार्थ तसेच चायनीज पदार्थ विक्री, मासांहारी हाॅटेल, धाबे कोणत्याही परिस्थितीत चालू न ठेवता संपूर्ण दिवसभर बंद ठेवावीत. संबंधित मालक व विक्रेत्यांनी यांची नोंद घेऊन सुनेचे पालन करावे व ग्रामपंचायतीला सहकार्य करावे. असे आवाहन लोकनियुक्त सरपंच लता फरांदे यांनी केले आहे.
