फुलंब्री :- जिल्हा परिषद उच्च प्राथमिक शाळा,वाकोद ता-फुलंब्री येथे थोर राष्ट्रसंत रविदासजी यांची जयंती वैचारिक सभेने साजरी करण्यात आली. या कार्यक्रमाच्या अध्यक्षस्थानी मुख्याध्यापिका मंगल वेळे मॅडम होत्या.सर्वप्रथम मान्यवरांच्या हस्ते संत रविदास यांच्या प्रतिमेला पुष्पहार अर्पण करण्यात आला.आपल्या भाषणात उज्वलकुमार म्हस्के सर यांनी संत रविदासांच्या कार्यकर्तृत्वावर सविस्तर मार्गदर्शन केले.
उमेश मुळे सरांनी संत रोहिदासांचे दोहे सुश्राव्य आवाजात गाऊन दाखविले.या सभेचे सूत्रसंचालन सांडू शेळके सर यांनी तर आभार प्रदर्शन नितीन शेळके सर यांनी केले.या प्रसंगी संगीता वाढोणकर मॅडम,स्वप्नील पाटील सर,रूपाली घुगे मॅडम यांच्यासह विद्यार्थी-विद्यार्थिनींची उपस्थिती होती.
