हाँटेलचे मोठ्या प्रमाणात नुकसान सुदैवाने जीवित हानी टळली
देवळाली प्रवरा / प्रतिनिधी
नगर मनमाड माहामार्गावरील राहुरी फँक्टरी येथील डाँ.बाबासाहेब आंबेडकर चौकात दारुच्या नशेत असल्याने कंटेनर चालकाचा वाहनावरील ताबा सुटल्याने तीन वेगवेगळ्या वाहनांना उडवून कंटेनर हाँटेल प्रयाग मध्ये घुसला. हाँटेलचे मोठ्या प्रमाणात नुकसान झाले असून सुदैवाने राहुरी तालुक्यातील बाचकर कुटुंब या अपघातातून बालबाल बचावले आहे. तब्बल तीन तासाच्या अथक परिश्रमानंतर कंटेनरचा चालक व वाहक यांना कंटेनरमधून सुखरुप बाहेर काढण्यात आले. या दोघांवर राहुरी फँक्टरी येथिल नर्सिंग होम येथे उपचार सुरु आहेत.महाविर जयंतीमुळे ड्राय डे असल्याने हाँटेल प्रयाग बंद होते. हाँटेल चालू असते तर अनेक मद्यपींचा शेवटचा पेग ठरला असता.
याबाबत सविस्तर माहिती अशी की,गुरवारी दुपारी ३ वा.मद्यधुंद अवस्थेत असलेल्या कंटेनर चालकाचा राहुरी फँक्टरी येथिल डाँ.बाबासाहेब आंबेडकर चौकातून राहुरीच्या दिशेने जात असताना चालकाचा वाहनावरील ताबा सुटल्याने एम एच १२ व्ही सी १२९१ या कारला धडक देवून पुढे उभ्या असलेल्या प्रवाशी रिक्षा एम एच १२ एम ओ ७९८९ धडक देवून हाँटेल प्रयागच्या समोर उभी असलेली मोटार सायकल एम एच १६ डब्लू १२९१ धडक देवून कंटेनर हाँटेल मध्ये स्वयंपाकगृहा पर्यंत घुसल्याने हाँटेलचे मोठे नुकसान झाले आहे.महाविर जयंतीमुळे ड्राय डे असल्याने हाँटेल प्रयाग बंद होते. हाँटेल मध्ये अनेक जण दारुचे पेग रिचवत असताता दैव चांगले म्हणून आज हाँटेल बंद होते.नाहीतर अनेक मद्यपींचा शेवटचा पेग ठरला असता.
राहुरी फँक्टरी येथील तरुणांनी तीन तासाच्या अथक प्रयत्नांची पराकष्ट करुन कंटेर चालक व वाहक यांना सुखरुप बाहेर काढण्यात आले.कंटेनर चालक नवनाथ अर्जुन आघाव (रा.बारगाव नांदुर ता.राहुरी )यास प्रथम बाहेर काढण्यात आले.त्यानंतर कंटेर वाहक विकास गहिनीनाथ गर्जे (रा.बीड) यास बाहेर काढण्यात आले. या दोघांनाही रविंद्र देवगिरे व प्रशांत कांबळे या दोघांच्या रुग्णवाहीकेतून उपचारासाठी नर्सिंग होम मध्ये दाखल करण्यात आले.
अपघात घडल्याची माहिती राहुरी पौलिस ठाण्यात देण्यात आली असतानाही पोलिस मात्र घटनास्थळी तब्बल तीन ते चार तासांनी आले.अपघातस्थळी मदत कार्य करणाऱ्या तरुणांवर पोलिसांनी रुबाब दाखविण्यास सुरवात केली. पोलिस मदत कार्यात सहभागी झाले नाही.ज्या तरुणांनी मदत केली त्यांच्या बद्दल कौतुकाचे शब्द काढण्या ऐवजी पोलिसांच्या दादागिरीमुळे तरुणांनी पोलिसांबद्दल संताप व्यक्त केला आहे.यावेळी मयूर कदम,पप्पू बर्डे,सतिष डुक्रे,प्रमोद विधाटे,निखिल शिंदे,अमोल आपटे,गिरीष कदम,लाला इनामदार,सतिष मोरे,अमोल साठे,गोरख नरोडे,नाना लोखंडे,राजेंद्र सिनारे,दादा वाणी,अभिजित दोंदे,आकाश जोगदंड आदी मदत कार्यात सहभागी झाले होते.
